Duoi galejados prouvençalos meso en auvirnhat

                                         Archimède


Aquel jour d'atï, en arribant à l'oustau, Archimède, un drolle qu'o toujour agut de princìpis, e s'in parlo prou del princìpi d'Archimède, fo la tèsto de quaucun qu'o agut d'empèitos.

Lou paire s'in atracho, e li damondo ço que s'es passat :

-As agut d'embroulh à l'escolo?...
-A-bi !...
-Que s'es passat ?...

Archimède en rougissent...

-Èi agut un zerò!...lis àutri se sou riguts de iéu!

Lou paire, qu'es prou sevère, coume toùti li qu'ouriou vóudiùt èsse prou saberuts :

- Un zerò!...as pas crento!...acò pamen...ammé toùti li sacrìficis que fasen pèr tu, toutos leo coustèlos de tessou que fazen pourta à l'istitutour... (li parents d'Archimède sou mazeliers)... e per de qué as agut un zerò ?
-Èi pas sagut ounde se trobo lou còu del femur!...
-Couqui de sort...te l'èi pamen dït de centenaus de cops de toujour plô  sabér ta geougrafìo!..
 

                                            Tiropablant

Lou mètge de Castèu soubre Durènço agent pres la retirado, un jouve medici o croumpat lou gabinet, mas counèis pas touto la pratïco.

La primièro senmono visito tris damisèlos « emprenhados », e quand damondo lou noum del « paire » óugis respoundre : Tiropablant !...

La senmono de daprès, dïntrou d’àutri malautes …e quatre fennos « grossos», pas maridados, e lou nom de «l'engendraire es Tiropablant.

La tresièmo senmono… inquèro de fennos prin, e tris sourtïssou del vïlatge vizi… e toujour Tiropablant !


Lou divèndre de vèspre, un ome qu'es pas de primiero jouventiùt, dïntro deïn lou gabinet, e quand lou medici li damondo coumo se souno, guel respound : Justi Tiropablant.


Sourprés, lou medici :

-Moussu, avet un drolle ?...
-Nou, moussu lou Douctour, me sèi pas jiamai maridat !
-E i’o d’àutri Tiropablant dïn lou vïlatge ou la regiou ?
-Nou ! sèi soulet del cantou ! mas perdequé ?

Lou mège se rasclo la garganto per s’esclargi la voutz :

-Èi examinat prou de fennos prins que m’aun dït que lou paire èro Tiropablant !... Acò sario vous ?
-Bessai bi, tant se pot qu'iéu sàio lou paire !

Lou medici espantat :

-Mai quont avet de tenp ?
-Vau aganta mi quatre vint-dous dïnc ina senmono.
-Moussu Tiropablant, vous vau dïre chicon. Pèr la sciéncio sèt ina curiousitat, à vouste atge, puèi coumo avet fat pèr « engroussa » de fennos de toùti li quartiers del vïlatge, dei baissos, del chastèl, amai di vilajous vizis ?

Lou vieianchou cluto d'un uei, e à la chut-chut :

-Per tout vous dïre doutour…lou secret…èi ina moubileto !...

                           La mèmo en prouvençau
 

Lou mège de Castèu sus Durènço aguent pres sa retrèto, un jouine medecin a croupa lou gabinet, mai noun counèis touto la clientèlo.
La proumiero semano vesito tres damisello « empregnado », e quouro demando lou noum dou « paire » s’ausis respoudre : Tiropablant !...

La semano seguènto, intron d’autri malaut…e quatre femo « grosso », noun maridado, e lou nom de « engendraire »…Tiropablant.
La tresenco semano… parié la memo causo, e tres soun de vilage vesin…e toujour Tiropablant !

Lou divèndre dou tantost, un ome pas de proumiero jouinesso, intro dins lou gabinet, e quouro ié demando lou noum : Justin Tiropablant

Sousprès, lou medecin :
-Moussu avès un drole ?...
-Noun, moussu lou Doutour, me siéu jamai marida !

-E i’a d’autre Tiropablant dins lou vilage o la regioun ?
-Noun ! siéu soulet dou cantoun ! mai perdequé ?

Lou mège se rasclo la gargamello, s’esclargis la voués :

-Ai eisamina proun de femo « embarrassado » que m’an declara que lou paire èro Tiropablant !...sarié vous ?
-Belèu bèn, pou se faire que fugue iéu !
-Lou medecin espanta,
-Mai quant de tèms avès ?
-Vau aganto mi vuetanto-dous dins uno semano.
-Moussu Tiropablant, vous vau dire uno bono causo. Pèr la sciènci sias uno curiousita, à vostre age, pièi coume avés fa pèr « engroussa » de femo de touti li quartié dou vilage, di baisso, dou castèu, e meme di vilajoun vesin ?

Lou pichot vièi guincho d’un uei, e à la chut-chut :

-Per tout vous dire doutour…lou secrèt…ai uno moubileto !...

Acò vous o paregut maleigit ? pas trop, pensan, per la maje-part de vàutri.

Se voulet n'in legi d'autros vaqui un lïon soubre Face Book

Lançat-vous !

"Lis istòri en prouvençau"

https://www.facebook.com/Lis-ist%C3%B2ri-en-prouven%C3%A7au-172992956444641/?hc_ref=NEWSFEED