Escolo Auvernhato ou Cevenolo ?

Avan parla lou darrier cop d'Hubert Nogaret pataisant voulountàri de Louzèro per restabli lei bounos prounounciacious.

En respounso de gents nous damondou perqué escrivan lou fioc, l'amic, lou sac... quand lou C es mut mentre qu'escrivan lou puèch quand lou CH se prounoùncio e lou puèt quand lou CH es mut.

Respounden :

per respecta lei règlos de l'Escolo Auvernhato.

Fazan remarca també que quand lou -C finau se prounounciabo noùstis aujòus l'escriviou -CQ coumo dién lou noum del viilaje Brocq.

Mas ço qu'es vertat també acò'i que l'Escolo Auvernhato nasquè à uno epoco que tout lou mounde parlabo e voulio escriéure.

D'uèi li gents que parlou, en maje-part, aun pas jamai legi nousto lingo.


Alèro anan ensaja d'escriéure coumo li Cevenòus, coumo faziou li Velaiencs e coumo faun inquèro de cops que i o, sèns li C e sèns li T di particìpis passas.

Gardaren li C entre parentèsis pei mots d'uno silabo quand sou vezis del francés : "lou sa(c), lou bè(c), lou bou(c)"

Mas escrieuren desenant lou fiò, l'ami, lou liò, enliò, andeliò.

Vàutri nous dirés s'avan razou ou pas, e se deven tourna al sistèmo de l'Escolo Auvernhato.

Jan Castanho, pouèto e nouvelisto cevenòu